Kreu i LDK’së, Lumir Abdixhiku, ka folur sot për media lidhur me ofertën e fundit të Albin Kurtit sa i përket zgjidhjes së ngërçit për presidentin.
Abdixhiku ka thënë se Kurti duhet të përcaktohet nëse dëshiron marrëveshje politike me LDK-në, dhe nëse po, atëherë LDK mund të jap propozimin e saj, pa përjashtuar edhe emrin e Vjosa Osmanit si kandidate.
Kryetari i LDK-së thotë se LDK i ka 15 vota për kandidatin e saj dhe se për këtë janë pajtuar të gjithë deputetët, vetëm se duhet ta dijë nëse edhe Kurti i ka të 66-të votat “për”, raporton Express.
“Ne i kemi 15 vota për propozimin e LDK-së. Duhet me pasë marrëveshje politike. Nëse do vetëm me LDK-në, ulemi e merremi vesh. Për kandidatin që e vendos LDK’ja ne i kemi 15 vota. Kemi pasur takim me grupin, ne i kemi 15 vota. Mund të jetë kandidate edhe Vjosa Osmani nuk e përjashtoj, por duhet ta di a i ka 66 vota ai [Kurti]”, ka thënë Abdixhiku.
