Tribuna e stadiumit që shërben për stërvitje për Suedinë në Kupën e Botës, është shembur.
Futbollistët janë befasuar me pamjet që kanë parë.
“Mendova se çfarë ndodhi. Për aq sa e di unë, nuk kishte stuhi. Atëherë si ndodhi shembja?”, tha mesfushori i Suedisë, kosovari Besfort Zeneli.
Nga shembja e tribunës nuk ka mbetur asnjë i lënduar dhe Suedia zhvilloi stërvitje sipas planit.
Stadiumi “Toyota”, që është në shërbim të Suedisë gjatë Kupës së Botës është duke u rinovuar. Rinovimi i stadiumit në Frisco, një qytet në veri të Dallasit, kushton 182 milionë dollarë, ndërsa është planifikuar të përfundojë në vitin 2028.
Kryetari i bashkisë Jeff Cheney ka premtuar se pas përfundimit do të jetë “një nga stadiumet më të bukura të futbollit”.
