Sllobodan Radenkoviq është dënuar me dy vjet burgim për sulmin ndaj pjesëtarëve të KFOR-it dhe Policisë së Kosovës në veri gjatë protestave të vitit 2023.
Radenkoviq u shpall fajtor për veprën penale pjesëmarrje në turmë dhe huliganizëm dhe duhet të paguajë 15 mijë euro.
Ai kishte arritur marrëveshje me Prokurorinë Speciale për pranim të fajësisë.
Sipas aktakuzës, më 29.05.2023 nga ora 06:00 e mëngjesit deri në orët e mbrëmjes, në perimetrin e objektit të Komunës së Zveçanit, i pandehuri, në bashkëkryerje dhe koordinim me persona të tjerë, dyshohet se ka marrë pjesë aktive në një grup që ka ushtruar dhunë ndaj pjesëtarëve të misionit paqeruajtës KFOR dhe Policisë së Kosovës.
