Aleanca për Ardhmërinë e Kosovës do të funksionojë si grup parlamentar në Kuvend, pasi deputetja boshnjake Duda Balje i është bashkuar këtij grupi.
Lajmi është konfirmuar nga zëdhënësi i AAK-së, Kushtrim Xhemajli.
“Po mund ta konfirmoj se Duda Balje i është bashkuar Grupit Parlamentar të AAK-së.”, tha ai.
Kujtojmë se më herët këtij grupi i ishte bashkuar edhe deputeti goran Adem Hoxha, por ai ishte përjashtuar nga AAK-ja pasi kishte votuar pro kandidatit të propozuar nga Lista Serbe, Slavko Simiq, për pozitën e nënkryetarit të Kuvendit nga komuniteti serb – votim që nuk kishte kaluar.
