by kfvanews
Share
by kfvanews
Share
Pritet marrëveshja e koalicionit: CDU/CSU dhe SPD mund të bien dakord këtë të mërkurë për krijimin e qeverisë. Doganat e reja nga SHBA dhe luhatjet e forta në bursë e rritën presionin ndaj negociatorëve.
CDU, CSU dhe SPD, sipas informacioneve të studios së ARD-së në Berlin janë në prag të marrëveshjes së koalicionit. Më parë agjencia e lajmeve Reuters dhe gazeta Bild duke iu referuar qarqeve të negociatorëve njoftuan, se të mërkurën pritet dakordësimi për marrëveshjen e koalicionit. Që mëngjesin e së martës (08.04.2025) politikanët e unionit konservator dhe ata socialdemokratë u shprehën optimistë, se ndodhen në prag të suksesit. Jemi në “metrat e fundit drejt finishit”, tha kryeministrja e Saarlandit, Anke Rehlinger (SPD) përpara se të fillonin bisedimet në selinë qendrore të CDU-së.
Nën presion kohe
Një impuls të ri shtyse iu dhanë bisedimeve të koalicionit grindja për doganat në SHBA si dhe humbjet e ndjeshme të kurseve në bursë.
“Ka një vullnet të lartë për marrëveshje”. “Këto bisedime koalicioni zhvillohen tani krejt ndryshe nga sa ndodhi me bisedimet e koalicionit katër vjet më parë. Ne jemi nën presion kohor”, tha kryeministrja socialdemokrate e Meklenburg-Pomeranisë, Manuela Schwesig. Në sfondin e gjendjes ndërkombëtare popullsia pret krijimin e shpejtë të qeverisë. “Në përgjithësi ka një vullnet të lartë për marrëveshje, kjo është evidente”, tha edhe drejtuesi i grupit parlamentar të unionit konservator, Thorsten Frei. Ai tha, se “është shumë optimist, që mund të arrijmë shpejt në marrëveshje”.
Temat e vështira
Temat më të vështira të marrëveshjes së koalicionit deri tani kanë qenë kryesisht çështjet financiare si reforma fiskale dhe kursimet në buxhet. Lidhur me këto tema nuk ka depërtuar asnjë detaj në publik.
Mbetet të shihet nëse arritja e marrëveshjes së koalicionit do të përfshijë edhe ndarjen e ministrive dhe përcaktimin e personelit përkatës, apo nëse kjo do të bëhet në një hap të dytë pasi të shpallet marrëveshja e koalicionit.
“Ajo është nesër, a po?”, tha shkurt kryeministri në detyrë, Albin Kurti, duke mos u përgjigjur sot në pyetjen e gazetarëve, nëse i kanë votat për seancën e nesërme të konstituimit të Kuvendit. Kurti as dje, e as ditëve të kaluara nuk ka folur rreth kësaj çështje përkundër insistimit të mediave. Të enjten
Ministri “i dorëhequr”, Faton Peci, ka publikuar disa vendime që i kanë marrë, e që ai tha se janë tregues se ata e kanë “prioritet vetëm Kosovën”. Ai e ka quajtur qeverinë kujdestare, ndërkohë që anëtarëve të kabinetit që kanë fituar mandate në Kuvend po u kërkohet të japin dorëheqje, sipas ligjit. “Mirëmëngjes nga
Kryetari i Partisë Liberale Egjiptiane, Veton Berisha, ka dalë me një deklaratë për formimin e institucioneve. Berisha ka thënë se nuk është për bllokimin e proceseve, por se mbështetja e tij “nuk është nënshtrim” e “heshtje përballë mangësive”. “Jam i gatshëm ta votoj për të mirën e Kosovës, komunitetit tim Egjiptian dhe të
Pas shtrenjtimit të rrymës, pritet të ketë edhe ngritje të çmimit të miellit. Paralajmërimin e ka bërë Kryetari i Shoqatës së Mullistëve, Bashkim Zejnullahu, i cili tha se do të ketë “ngritje të lehtë të çmimit”, shkruan KFVA. Sipas tij, kjo rritje nuk do të ketë ndikim të madh. “Sa i përket shtrenjtimit të
