Ky është momenti kur Robert Duka, alias Albert Duka, mbërrin me monopatinë në bankën e nivelit të dytë në Komunën e Parisit një javë më parë, në Tiranë.
Videoja e policisë zbardh gjithë dinamikën. Me të hyrë brenda ambienteve të bankës, 50-vjeçari mbyll derën dhe kërcënon me armë personelin. Një vajzë përpiqet të dalë, por dera është e kyçur.
Duka i vë rojes armën në kokë dhe drejtohet nga arka, ku sërish duke kërcënuar, kërkon paratë. Më pas merr sërish rojën dhe largohet.
Policia ka ndarë momentin e arrestimit dhe të sendeve të sekuestruara të 50-vjeçarit, veshjet dhe paratë.
