Kuvendi i Kosovës do të mbajë nesër seancën e radhës, ku në rend të ditës janë përfshirë gjashtë pika për diskutim.
Sipas njoftimit për media, seanca do të nisë në orën 10:00, ndërsa deputetët do të trajtojnë çështje të ndryshme parlamentare, përfshirë projektligje me rëndësi dhe propozime për përbërjen e komisioneve parlamentare.
Ky është rendi i ditës për seancën e nesërme:
Miratimi i procesverbaleve nga seancat e mëparshme.
Deklarimet jashtë rendit të ditës.
Pyetjet parlamentare.
Shqyrtimi i dytë i Projektligjit nr. 11/L-013 për ndryshimin dhe plotësimin e Ligjit nr. 10/L-001 mbi ndarjet buxhetore për Buxhetin e Republikës së Kosovës për vitin 2026.
Shqyrtimi i dytë i Projektligjit nr. 11/L-006 për Byronë Shtetërore për Verifikimin dhe Konfiskimin e Pasurisë së Pajustifikueshme.
Votimi i Propozimit të GP-së – Lista Serbe për emërimin e deputetëve në komisionet parlamentare.
Seanca e nesërme pritet të përfshijë diskutime dhe vendimmarrje për çështje buxhetore, ligjore dhe organizative të Kuvendit të Kosovës.
