Zelensky publikon pamjet e interceptorit të ri ukrainas kundër dronëve Shahed.
Presidenti ukrainas, Volodymyr Zelensky, ka publikuar pamjet e para të një droni të ri interceptor, të zhvilluar për të përballuar dronët Shahed me motorë reaktivë që përdoren nga Rusia.
Sipas tij, interceptori është zhvilluar nga kundërzbulimi ushtarak i Shërbimit të Sigurisë së Ukrainës (SBU) dhe tashmë është testuar me sukses në operacione reale.
Në pamjet e publikuara nga presidenti ukrainas shihet sistemi duke vepruar në terren, ndërsa detajet teknike dhe specifikimet e interceptorit ende nuk janë bërë publike.
Lideri ukrainas tha se prioriteti i radhës është rritja e kapaciteteve prodhuese dhe shtimi sa më i shpejtë i numrit të këtyre dronëve interceptorë.
Zhvillimi vjen në kuadër të përpjekjeve të Ukrainës për të forcuar mbrojtjen kundërajrore dhe për t’iu përgjigjur përdorimit në rritje të dronëve sulmues nga Rusia.
