Ulja e varfërisë dhe rritja e mirëqenies sociale ishte njëra prej prioriteteve të Qeverisë Kurti në vitin 2021. Në planprogramin e Qeverisë Kurti, ulja e varfërisë renditej ndër premtimet kryesore. Megjithatë, pas gjashtë vitesh, Kosova ka arritur të lërë pas vetëm Moldavinë dhe të renditet si shteti i dytë më i varfër në Evropë.
Raporti pasqyron nivelin real të standardit të jetesës dhe nxjerr në pah dallimin mes deklarimeve politike dhe gjendjes ekonomike me të cilën përballen qytetarët çdo ditë. Rritja e çmimeve, pagat e ulëta, emigrimi masiv dhe vështirësitë ekonomike vazhdojnë të mbeten sfida serioze për shumë familje në Kosovë.
Sipas të dhënave të raportit, Moldavia mbetet shteti më i varfër në Evropë me GDP për kokë banori sipas PPP-së prej rreth 19,700 dollarësh. Pas saj renditet Kosova me rreth 20,400 dollarë për kokë banori.
Raporti po ashtu theksonte se inflacioni u përshpejtua në 5¼ për qind, kryesisht për shkak të rritjes së çmimeve të ushqimeve. Raporti nënvizonte se, megjithëse punësimi formal ka vazhduar të rritet, pagat reale kanë stagnuar, ndërsa papunësia ka mbetur e lartë në nivelin 10 për qind.
Sipas FMN-së, pjesëmarrja e ulët në tregun e punës, sidomos e grave, tregon se në Kosovë vazhdojnë të ekzistojnë kapacitete të pashfrytëzuara në ekonomi dhe në fuqinë punëtore.
Në lidhje me raportin tronditës, ministri në detyrë i Financave, Hekruan Murati është shprehur optimist se Kosova po ngritet ekonomikisht.
Jemi ngritur,” tha ai, “kemi kaluar një shtet.”
“Kosova ka qenë e fundit, kur ne e kemi marrë qeverisjen. Dhe tash kemi ngritje më lartë. Nëse shihet vitet e kaluara deri më 2019, diferenca ne vendet e tjera ka shku tu u rrit, vendet tjera kanë shku tu i ik Kosovës. Ne e kemi ngushtuar diferencën, por edhe e kemi kaluar një shtet, Moldavinë. Presim t’i kalojmë edhe shtetet e tjera,” tha ai./PERISKOPI
