Kryetari i Bashkimit Demokratik për Integrim, Ali Ahmeti ka mbërritur në zyrat e organizatës së veteranëve të OVL UÇK.
Ish-përfaqësuesi politik i Ushtrisë Çlirimtare Kombëtare, u prit nga kryetari i organizatës, Hysni Gucati, Gazmend Syla e Fatmir Sopi.
Në protestën e zhvilluar në Tiranë më 18 tetor në mbështetje të ish-krerëve të Ushtrisë Çlirimtare të Kosovës që po mbahen në Hagë, Ahmeti pati deklaruar për Klan Kosova se do të shqyrtohet mundësia e organizimit të një proteste të ngjashme edhe në Shkup të Maqedonisë së Veriut.