kfvanews
Deputeti i zgjedhur i AAK-së, Bekë Berisha, ka deklaruar se pret që Kuvendi i Kosovës të konstituohet së shpejti, ndërsa qeveria, sipas tij, duhet të formohet nga opozita, transmeton KFVA.
Ai ka folur edhe për një koalicion të mundshëm mes LVV-së dhe Nismës, duke lënë të kuptohet se “mund të jetë thyer besa”.
“Qeveria s’ma merr mendja po Kuvendi ish dasht me u konstitu, besoj. Qeveria bëhet e opozitës. Na i kemi qëndrimet tona të qarta për një qeverisje të opozitës”, ka deklaruar Berisha.
Sa i përket Nismës Socialdemokrate, Berisha konfirmoi se nuk ka pasur bisedime të drejtpërdrejta me ta.
“Nuk kam bisedu me ta, se është duke i udhëheq bisedimet dikush tjetër”, ka theksuar ai, duke shtuar se nesër pritet të dihet më shumë për kryetarin e Kuvendit.
Berisha ka potencuar se kishte besuar në Nismën dhe në mundësinë e krijimit të një qeverie opozitare.
“Unë koalicionin me Nismën kom besu që do të jetë i frytshëm dhe kam besu në ato fjalë që i kemi fol, që dojmë me bo një qeveri të opozitës edhe me kthy për së mbari Kosovën. Edhe kam besu fuqishëm… tash s’muj me fol për ra”, u shpreh ai.
I pyetur nëse është thyer besa në këtë proces, Berisha u përgjigj:
“Ndoshta është thy, por të shohim njëherë, s’mujmë me fol para kohe”.
