Të hënën në mbrëmje, një aksidenti i rëndë ndodhi në autostradën A3 pranë Mumpf, në Zvicër. Kjo shkaktoi një bllokim trafiku, në fund të të cilit një tjetër shofer më vonë u përplas ballë për ballë me një kamion gjysmërimorkio. 50-vjeçari vdiq në vendin e aksidentit. Kështu bëri të ditur policia kantonale e Aargau të martën.
Aksidenti i parë ndodhi në orën 8:45 të mbrëmjes dhe në të raportohet se ishte i përfshirë një 18-vjeçar kosovar nga rajoni i Fricktal po drejtonte një BMW 330 kabriolet drejt Cyrihut, raporton 20 Minuten.
Ai humbi kontrollin e automjetit të tij, doli në argjinaturë, u përmbys dhe u përplas me barrierën e rrugës. I riu u dërgua me ambulancë në Spitalin Universitar të Bazelit. Sipas raporteve fillestare, lëndimet e tij nuk janë serioze. Makina u shkatërrua plotësisht.
Shkaqet e sakta të aksidentit janë ende të paqarta. Gjetjet fillestare sugjerojnë se shpejtësia e tepërt ka luajtur një rol. Provat tregojnë gjithashtu se dy automjete të tjera BMW, të drejtuara nga kolegë të të aksidentuarit – një zviceran 18-vjeçar dhe një italian i së njëjtës moshë nga rajoni i Fricktal – mund të kenë qenë të përfshira në aksident.
Për të sqaruar rrethanat, policia kantonale e Aargaut ka arrestuar përkohësisht dy shoferët – një shtetas zviceran 18-vjeçar dhe një italian 18-vjeçar nga rajoni Fricktal. Zyra e prokurorit publik të Rheinfelden-Laufenburg ka hapur një hetim penal.
Për hetimin e aksidentit, policia kantonale u detyrua të mbyllte korsinë e djathtë drejt Cyrihut. Si rezultat, u formua një radhë e gjatë. Në fund të kësaj radhe, një kamion me gjysmërimorkio u ndal në korsinë e djathtë kur, në orën 23:40, një Volvo iu afrua korsisë së parakalimit dhe u përplas me të e për pasojë një 50 vjeçar vdiq.
