Gazeta mëson ekskluzivisht nga burime brenda sistemit të drejtësisë se mbrëmë është arrestuar një person ndaj të cilit ishte lëshuar urdhërarrest nga Gjykata Themelore në Prishtinë – dega në Fushë Kosovë.
Bëhet fjalë për Burim Makollin, 42-vjeçar, i cili është ndaluar nga njësia patrulluese e Stacionit Policor në Fushë Kosovë, më 26 maj 2025 rreth orës 23:00, në rrugën “Nëna Terezë”.
Sipas informacioneve të siguruara nga burimet, ndaj tij ekzistonte urdhëresa e gjykatës për shkak të veprës penale “Ngacmim” sipas nenit 182 të Kodit Penal.
Pas arrestimit, i njëjti është shoqëruar në stacion policor dhe më pas është dërguar në Qendrën e Mbajtjes, ku do të mbahet në ndalim me vendim të gjykatës, deri në zhvillimin e procedurave të mëtejshme ligjore.
Policia dhe Prokuroria kanë ndërmarrë të gjitha veprimet konform ligjit për realizimin e urdhërarrestimeve aktive