Forcat amerikane kanë nisur sulme ndaj objektivave të Gardës Revolucionare Islamike të Iranit (IRGC), ka njoftuar Komanda Qendrore e SHBA-së (CENTCOM).
Sipas CENTCOM-it, sulmet nisën sot rreth orës 12:00 sipas kohës lindore të SHBA-së.
Komanda amerikane tha se sulmet vijnë pas përpjekjeve të fundit të IRGC-së për të sulmuar anije tregtare në Ngushticën e Hormuzit, si dhe pas përpjekjeve për të sulmuar pjesëtarët e ushtrisë amerikane të dislokuar në rajon.
Sulmet ndaj objektivave të IRGC-së shënojnë një përshkallëzim të ri të tensioneve mes SHBA-së dhe Iranit.
