Qeveria e Kuvajtit tha se një sulm iranian ka dëmtuar një stacion të energjisë elektrike dhe të shkripëzimit të ujit.
Ministria e Energjisë Elektrike, Ujit dhe Energjisë së Ripërtëritshme e Kuvajtit njoftoi se sulmi shkaktoi zjarr dhe dëmtoi “një numër të madh të njësive të prodhimit të energjisë elektrike”. Qeveria kuvajtiane tha se zjarri tashmë është shuar.
Rreth 90% e furnizimit me ujë të Kuvajtit sigurohet përmes procesit të shkripëzimit të ujit të detit.
Autoritetet kuvajtiane u kanë bërë thirrje qytetarëve të reduktojnë konsumin e energjisë elektrike për të ruajtur stabilitetin e rrjetit energjetik të vendit.
Irani më herët ka sulmuar impiantet e energjisë dhe të shkripëzimit të ujit në Kuvajt gjatë luftës, së bashku me objekte të tjera civile, si Aeroporti Ndërkombëtar i Kuvajtit, shkruan DW.
