Një tërmet me magnitudë paraprake prej 6.1 gradësh në shkallën Rihter goditi pjesën verilindore të Japonisë herët këtë mëngjes, por nuk u shpall kërcënim për cunami, njoftoi Agjencia Meteorologjike Japoneze.
Epiqendra e tërmetit që ndodhi mëngjesin e sotëm në orën 5:21 të mëngjesit sipas kohës lokale ishte në Paqësor, pranë Prefekturës Iëate, në një thellësi prej rreth 40 kilometrash, sipas të dhënave nga Agjencia Meteorologjike e Japonisë, raporton Kyodo.
Tërmeti ishte me magnitudë 5 ballë sipas shkallës sizmike 7 të Japonisë në disa pjesë të prefekturave Aomori dhe Iëate.
Sipas Tohoku Electric Poëer, nuk u raportua asnjë ndërprerje pune në centralin bërthamor Higashidori në Aomori ose në kompleksin bërthamor Onagaëa në prefekturën Miyagi.
Tërmeti ndodhi vetëm disa ditë pasi një tërmet me magnitudë 7.2 ballë goditi të njëjtin rajon, duke plagosur të paktën 10 persona, duke ndërprerë trenat me shpejtësi të lartë dhe duke mbyllur përkohësisht shkollat.
Të premten, një tërmet me magnitudë 5.6 ballë të shkallës Rihter goditi prefekturën Yamanashi të Japonisë qendrore, pranë malit Fuji dhe zonave përreth.
Sipas të dhënave nga Agjencia Meteorologjike e Japonisë, një intensitet i tillë tërmetesh në Prefekturën Yamanashi është regjistruar për herë të fundit në vitin 1924 dhe tërmeti nuk kishte lidhje me aktivitetin vullkanik të malit Fuji, sipas Kyodo.
