Një komunikim i përfshirë në dosjen e Jeffrey Epstein të publikuar nga Departamenti i Drejtësisë i SHBA-së hedh dritë mbi mënyrën se si organizoheshin dhe negocioheshin takime me vajza të reja.
Në mesazhet e shkëmbyera, një person i paidentifikuar i shkruan bashkëbiseduesit se ka kontakt me një “mikeshë skaute”, e cila i ka dërguar disa vajza gjatë asaj dite.
Sipas mesazhit, çmimi i kërkuar ishte 1 mijë dollarë për secilën vajzë, raporton Paparaci.
“Do t’i dërgoj vajzat tani”, thuhet mes tjerash, duke shtuar se ndoshta “dikush do të jetë e përshtatshme për J (Jeffrey Epstein)”.
Në vazhdim të komunikimit, për njërën nga vajzat jepen edhe të dhëna personale si mosha 18 vjeç, gjatësia, pesha, përmasat trupore, si dhe informacione për udhëtimin, përfshirë faktin se posedonte dokumente për zonën Schengen dhe se qyteti i nisjes ishte në Rusi.
Ky komunikim është një nga shumë materialet pjesë e dosjes Epstein, e cila vazhdon të nxjerrë detaje shqetësuese mbi një rrjet trafikimi.
Këto janë dhjetëra mijëra faqe dokumentesh që Departamenti i Drejtësisë i SHBA-së mban mbi hetimin ndaj shkelësit seksual.
Financuesi i pedofilëve Jeffrey Epstein u gjet i vdekur në qelinë e tij të burgut në Manhattan në gusht të vitit 2019, pak pasi u arrestua për akuza për trafikim seksual.
Ai ishte në pritje të gjyqit për akuzat federale për trafikim seksual kur u gjet i vdekur në qelinë e tij në moshën 66 vjeç.
Aktakuza pretendonte se ai kërkonte të mitur – disa vetëm 14 vjeç – nga të paktën viti 2002 deri në vitin 2005.
Ai u akuzua se u kishte paguar atyre qindra dollarë në para të gatshme për akte seksuale në shtëpinë e tij në New York City ose në pronën e tij në Palm Beach, Florida./Paparaci
