Adriatik Berisha, hematolog, ka aderuar në Partinë Demokratike të Kosovës.
Lajmin e ka bërë të ditur kryetari i PDK’së, Bedri Hamza, përmes një postimi në ‘Facebook’, duke thënë se ka treguar përkushtim dhe humanizëm, shkruan KFVA.
“Ekipit tonë iu bashkua një profesionist i jashtëzakonshëm: hematologu i njohur, Dr. Adriatik Berisha. Përveç ekspertizës së tij, ai ka treguar gjithmonë përkushtim, humanizëm dhe vlera të forta atdhetare. Kosova ka nevojë për profesionistë dhe PDK është shtëpia e tyre. Mirë se erdhe në familjen tonë politike, Dr. Adriatik”, ka thënë Hamza.
Berisha ishte përmendur në publik pasi po mjekonte babain e Thaçit, Haxhi Thaçin.