Futbolli italian humbi sot një nga figurat e tij më të mëdha historike. Lorenzo Buffon, legjenda e portës së AC Milan dhe Interit, ndërroi jetë në moshën 95-vjeçare në shtëpinë e tij në Latisana, pas një sëmundjeje të papritur.
Në kopshtin e vilës së tij vijon të valëvitet një flamur i vjetër kuqezi — simbol i një karriere të jashtëzakonshme.
Buffon konsiderohet një ndër portierët më të rëndësishëm të Italisë. I quajtur “Zoti i portierëve të San Siros”, ai fitoi katër tituj kampion me “Grande Milan” të epokës Gre-No-Li dhe një tjetër me “Grande Inter” të Helenio Herrerës. Ka qenë titullar i kombëtares dhe një emër i respektuar në të gjithë Evropën.
Le sue mani a “Tenaglia” hanno reso il Milan grande protagonista di tantissime vittorie negli anni Cinquanta. Lorenzo il Magnifico, un uomo buono dal grande cuore rossonero, ci ha lasciati. È con grande commozione che salutiamo Lorenzo Buffon e ne onoriamo la memoria. pic.twitter.com/KbxCitZSKT
— AC Milan (@acmilan) November 25, 2025