Osmani tha se akti i tyre është dëshmi e vlerave të larta morale dhe një frymëzim për të gjithë fëmijët në vend. Ajo u ndau mirënjohje të veçantë, duke theksuar se sjellja e tyre pasqyron shembullin më të mirë të edukimit, integritetit dhe qytetarisë aktive.
“Fëmijët tanë kanë forcën të na tregojnë rrugën e duhur. Sot, këta tre heronj të vegjël e dëshmuan këtë,” u shpreh Presidentja, duke shtuar se ngjarja vjen si simbol i asaj që duhet të kultivohet tek gjeneratat e reja: sinqeriteti, besimi dhe respekti ndaj të tjerëve.