Kryetari i OVL-UÇK-së, Hysni Gucati, foli për përgatitjet rreth protestës së radhës kundër Gjykatës Speciale, e cila do të mbahet në Strasburg të Francës.
Ai tha se në këtë protestë, e cila pritet të mbahet para Asamblesë së Këshillit të Evropës, pritet të marrin pjesë 5 mijë deri në 6 mijë njërës.
Sipas tij, pjesëmarrësit do të jenë nga të gjitha trojet shqiptare dhe diaspora.
“Sipas informacioneve, nga Prishtina nuk besoj që do të ketë autobusë, kanë gjetur bileta lirë nga Tirana dhe Shkupi, kanë gjetur për Bazel edhe Shtutgard kanë marrë bileta shumë lirë, që fati i jonë dhe i qytetarëve që do të udhëtojnë nga Kosova, Maqedonia dhe Shqipëria kanë gjetur bileta për Bazel të Zvicrës kanë gjetur shumë lirë. Është një numër bukur i madh, kryetari i këshillit organizativ atje, ne presim që numri të jetë mbi 5 deri 6 mijë veta, të jenë para Strasburgut atë ditë. Nga Kosova besoj do të kalojë numri mbi 1000 udhëtarë që do të vijnë”, ka thënë Gucati, raporton KFVA.