Disa nxënës të shkollës së mesme “7 shtatori” në Pejë dyshohet se janë helmuar.

Zëdhënësi i policisë për rajonin e Pejës, Fadil Gashi ka thënë për Gazetën Online Reporteri.net se rasti dyshohet të ketë ndodhur pasditen e së martës.

“Policia e ka marrë dje informatën. Disa nxënës dje masdite kanë kërkuar ndihmë në QMF në Vitomericë, pasi dyshohet se kanë ngrënë në afërsi të një furre pranë shkollës. Nxënësit kanë pasur dhimbje barku. Kemi kontaktuar me Drejtorin dhe ai ka lajmëruar DKA-në. Është lajmëruar edhe Prokurori dhe ka caktuar hetuesit që ta hetojnë rastin”, tha Gashi.