Deputetja Duda Balje ka thënë se nuk ka votë për asnjë kandidat nga komuniteti serb për Nënkryetar të Kuvendit.

Ajo u pyet specifikisht nëse do të votojë pro zgjedhjes së Nenad Rashiq, por e prerë tha se jo.

“Nuk kam votë për asnjë kandidat prej komunitetit serb…Nuk e kam plan me votu për asnjë kandidat prej Listës Serbe”, deklaroi Balje.

Sa i përket bllokadës së re në Kuvend, Balje tha se nuk beson se do të dilet lehtë nga kjo situatë, teksa e përmendi mundësinë që Kryeparlamentari Dimal Basha të jap dorëheqje.

“Nuk e mendoj se kemi me dal shumë lehtë prej kësaj krize. Bile personalisht mendoj që z. Dimal Basha, nëse konstitutohet Kuvendi, ka mundësi me jap dorëheqje dhe prapë zëvendësja e parë është znj.Albulena. Unë mendoj që është një prej versioneve, ka mundësi me ndodhë”, deklaroi Balje.

Balje tregoi edhe arsyet pse nuk e votoi Bashën për Kryeparlamentar.

“Personalisht nuk votova për Bashën për shumë arsye. Një prej arsyeve ka barazu Zotin me gjygym”, tha Balje para gazetarëve.