Në botën e lajmeve online, ku disa portale kërkojnë famë duke sajuar skandale, Veriu.info duket se ka marrë rolin e “kampionit” të lajmeve të rreme dhe dezinformatave. Së fundmi, kjo media shpërndau një “bombë” sensacionale për kompaninë e njohur dhe të respektuar, Meka Halal Food, duke e akuzuar padrejtësisht për import dhe ruajtje të mishit pule të kontaminuar me salmonella.

Në një kohë kur bizneset serioze po përpiqen të ndërtojnë besim dhe siguri në tregun ushqimor, disa portale, si Veriu.info, duket se po zgjedhin rrugën më të ulët: përhapjen e lajmeve të rreme dhe sulmeve të pandershme për të goditur imazhin dhe reputacionin e tyre.

Kështu ndodhi edhe me “Meka Halal Food”, një kompani me standarde të larta cilësie, e cila u përball me një sulm të padenjë dhe të papërgjegjshëm nga Veriu.info. Ky portal publikoi një lajm të fabrikuar, ku akuzohej kompania për import dhe ruajtje të mishit të kontaminuar me salmonella — një shpifje flagrante dhe mashtrim që po përpiqet t’i hedhë baltë një prej markave më të respektuara në vend.

Pronari i “Meka Halal Food”, Burim Piraj, e ka hedhur poshtë me forcë këtë manipulim të Veriu.info dhe e ka quajtur një tentativë të pastër shantazhi ndaj biznesit të tij.

“Ne nuk kemi importuar kurrë ‘mish të bardhë pule’ siç shpif Veriu.info. Fjala është për mish pule pa kocka, të cilin e kemi ndaluar dhe e kemi trajtuar sipas çdo rregulli ligjor – dhe për këtë kemi dokumente të plota. Në momentin që u konstatua salmonella në mostër, ne menjëherë kërkuam kthimin e tij në vendin e origjinës. Nëse do të kishim bërë shkelje, Agjencia e Ushqimit dhe Veterinarisë do të na kishte proceduar penalisht. Por asnjë masë nuk është ndërmarrë ndaj nesh, sepse ne kemi qenë thjesht viktima të mashtrimit të furnizuesit,” tha Piraj.

Kjo përgjigje nuk është thjesht një mohues, por një goditje e fortë në zemër të lojës së shantazhit mediatik që Veriu.info po tenton të luajë.

Ndërkohë që Veriu.info përpiqet me çdo çmim të krijojë një skandal të rremë, “Meka Halal Food” vazhdon të jetë simbol i integritetit dhe cilësisë në tregun e ushqimit hallall në Kosovë. Kompania ka laboratorët e veta, bën kontrolle të rrepta dhe është e përkushtuar ndaj sigurisë së konsumatorëve, duke u garantuar produkte të freskëta dhe të sigurta.

“Është fyese që një portal si Veriu.info përdor gënjeshtrat si mjet për shantazh dhe për të nxjerrë në dritë të keqe një kompani që përherë ka qenë e përkushtuar ndaj standardeve më të larta. Kjo nuk është vetëm një përpjekje për të goditur biznesin tonë, por një sulm ndaj gjithë tregut dhe konsumatorëve që na besojnë,” përfundoi Burim Piraj.

Në një treg ku shumë kompani përpiqen të marrin vendin e saj, Meka Halal Food vazhdon të jetë lideri që nuk frikësohet nga lajmet e fabrikuara, por i përballon ato me fakte, ligj dhe profesionalizëm.

Në fund, mes të gjitha shpifjeve dhe trillimeve, e vetmja gjë që Veriu.info ia arriti ishte të nxjerrë në pah fuqinë dhe seriozitetin e një kompanie që nuk pranon të mashtrohet dhe nuk frikësohet të luftojë për të vërtetën, shkruan KFVA.