Në mbledhjen e Samitit të Komunitetit Politik Evropian (KPE) presidentja Vjosa Osmani iu kërkoi të pranishmëve heqjen e masave ndëshkuese ndaj Kosovës duke shtruar mes argumenteve edhe pretendimin se nuk kanë argument për ato masa të vendosura, transmeton Gazeta KFVA.

Osmani në tavolinën me liderë në fjalimin e saj që e publikuan presidenca pretendon se s’ka arsye pse ende mbeten masat ndaj Kosovës.

“Unë përfaqësoj shtetin i cili është i në këtë tavolinë që ka masa nga Bashkimi Evropian, dhe asnjëri nuk mund të tregojë të na tregojë ne arsyen se pse kjo është ende kështu”.

Ajo shtoi më tej e këshilloi liderët aty të gjejnë guximin siç u shpreh, për të vendosur për heqjen e tyre.

“Për atë arsye më lejoni edhe një herë të bëjë thirrje për të gjitha shtetet e Bashkimit Evropian dhe te lidershipi evropian të marrin guximin për të marrë atë vendim për të hequr ato masa për shtetin më pro-evropian në botë”, tha Osmani.

Nga Bashkimi Evropian jo vetëm që besojnë që kanë argumente për masat ndëshkuese, por kanë tre ditë rresht që tërheqin vërejtjen që qeveria kujdestare kosovare po e përkeqëson pozicionin e saj duke i kontribuuar përshkallëzimit të tensionit në Veri edhe më tej me veprimet e fundit. Hiç më larg se pak orë pas pretendimeve të presidentes ishte komunikata nga Komisioni Evropian pikërisht për këtë çështje.

Ambasada e Francës të enjten e theksoi po ashtu se këto veprime janë sinjale negative nga Kosova për partnerët e saj.

Presidentja Osmani s’mund të ketë harruar se çfarë tha Presidenti i Këshillit Evropian, Antonio Costa, në konferencën e përbashkët me të direkt ishte përgjigjur se heqja e masave ndëshkuese ndërlidhet me de-eskalimin në veri të vendit, ku edhe kishte theksuar se mbylljet e fundit në veri shpreson të jenë përjashtimi dhe jo rregulli.