kfvanews
Deputeti i PDK-së, Artan Behrami gjatë vizitës së tij në ShBA ka takuar edhe shqiptaro-amerikanin, Tahir Kukaj, për të cilin tha se angazhohet për forcimin e lidhjeve në mes të komunitetit tonë dhe institucioneve amerikane, shkruan KFVA.
“Këtu, në Nju-Jork, nuk ka parti, nuk ka ndarje në ideologji, në pozitë e opozitë.
Kosova u takon të gjithëve, prandaj të gjithë janë pjesë e një mobilizimi për të adresuar padrejtësitë në procesin gjyqësor kundër krerëve të UÇK-së në Hagë”, shkroi mes tjerash Behrami.
Postimi i plotë:
Pa shqiptaro-amerikanët, pa punën e tyre të palodhshme, pa djersën, pa sakrificën e familjeve të tyre, pa paratë që i fituan me shumë mund, Liria dhe Pavarësia e Kosovës do të mbeteshin vetëm një ide.
Padyshim që njëri nga ta është Tahir Kukaj-një patriot, dijetar që tash e shumë vjet angazhohet çdo ditë për forcimin e lidhjeve në mes të komunitetit tonë dhe institucioneve amerikane.
Kukaj mban shumë funksione të rëndësishme në New York.
Ai është këshilltar i krye-bashkiakut të Nju-Jorkut, Kapelan me rankun e Inspektorit në Departamentin e Policisë së Nju-Jorkut (NYPD), Imam dhe Shef i Departamentit të Studimeve Islame në Shkollën Islame “Miraj”, si dhe Zëvendëspresident i Qendrës Kulturore Islame Shqiptare.
Takimi me të ishte një nder, kënaqësi dhe shumë frymëzues.
Këtu, në Nju-Jork, nuk ka parti, nuk ka ndarje në ideologji, në pozitë e opozitë.
Kosova u takon të gjithëve, prandaj të gjithë janë pjesë e një mobilizimi për të adresuar padrejtësitë në procesin gjyqësor kundër krerëve të UÇK-së në Hagë.
