Deputetja e VV-së Albulena Haxhiu, njëherit kandidate e propozuar për Kryeparlamanetare, pas dështimit të seancës ka thënë se janë partitë tjera ato që po e bllokojnë konstituimin e Kuvendit, shkruan KFVA.
Sipas saj kjo është një sjellje e papranueshme e tyre.
“Opozita ka tendencë për të bllokuar konstituimin e Kuvendit të Kosovës. Sjellje e papranueshme, destruktive. Secili nga ne duhet ta marrë përgjegjësinë”, tha ajo para gazetarëve.
Për Haxhiun, qysh nga fillimi ka qenë tendenca e partive politike për bllokimin e Kuvendit, dhe se vota “për” nuk është bllokuese, por e atyre që nuk po marrin pjesë në votim.
“Qysh nga fillimi ka pas tendenca për ta bllokuar konstituimin e Kuvendit, por qytetarët do ta vlerësojnë.
Vota për nuk është bllokuese, ata nuk po marrin pjesë në votim. Kjo sjellje është e paprannueshme”, tha Haxhiu.