Vendimi për Listën e Çmimeve të barnave, që hyri në funksion në fillim shkurtin e këtij viti, solli shumë pakënaqësi e akuza.
Të pakënaqur nga ky vendim që fuqizoi Ministria e Shëndetësisë u ndanë distributorët e farmacistët, sipas tyre për faktin se ky vendim u mor në një periudhë shumë të shkurtë kohore.
Ani pse po mbështesnin inciativën dhe fuqizimin e këtij vendimi, nga Oda e Farmacistëve të Kosovës për KIKS-in thanë se formati qe i gabuar.
Që ky vendim të mos u sillte dëme, Haxhijaha tha se do duhej t’u jepej një afat më i gjatë farmacistëve që të zbraznin stokun.
Madje sipas Haxhijahës, puna në këto kushte bie edhe ndesh me ligjin e ATK-së.
Për KIKS Kosovën, nënkryetari i Odës së Farmacistëve tha se parregullsitë e këtij vendimi i faturohen ngutisë së ministrit Vitia, pikërisht 8 ditë para zgjedhjeve.
Tutje Haxhijaha flet edhe për mospërputhjen e asaj që thotë ky vendim dhe pjesës se si po zbatohet.
Nenkryetari i Odës thotë se nuk mund të jetë në rregull mos unfikimi i çmimeve mes Kosovës dhe vendeve të rajonit.
Për KIKS Kosovën, Haxhijaha tha se ky ligj e vendim ka përparësitë e veta, të cilat do i gëzonin qytetarët e farmacistët nëse gjithcka do shkonte siç duhet.