by kfvanews
Share
by kfvanews
Share
Bayern Munich është praktikisht kampion i Bundesligës, pavarësisht se pësoi një gol në sekondat e fundit dhe barazoi 3-3 me RB Leipzig, një rezultat që i mban në krye me 9 pikë epërsi dhe një diferencë golash +30 ndaj Bayer Leverkusen, që kanë edhe tri ndeshje për të zhvilluar.
Edhe pa Harry Kane, i cili mungoi për shkak pezullimi, bavarezët shpresonin të ngrinin trofeun e kampionit në këtë fundjavë, pas një sezoni pushimi.
Megjithatë, Leipzig nisi më mirë ndeshjen dhe krijoi rastet më të mira në fillim. Portieri Jonas Urbig reagoi shkëlqyeshëm ndaj goditjes së afërt të Amadou Haidara, ndërsa Benjamin Šeško e humbi një tjetër rast të artë pasi u shërbye bukur nga Xavi Simons.
Bayerni mori kontrollin e topit, por u ndëshkua nga një kundërsulm i rrufeshëm. Xavi ia rrëmbeu topin Michael Olise dhe me një pasim kreativ me të jashtmen aktivizoi Šeškon, i cili realizoi një goditje “trivela” për të kaluar portierin dhe për të gjetur rrjetën nga distanca.
Leipzig e dyfishoi rezultatin më pas, kur David Raum krosoi nga një goditje dënimi e thellë dhe Lukas Klostermann, duke iu shmangur mbulimit, arriti të devijojë topin në rrjetë – madje me veshin!
Në pjesën e dytë Bayerni u zgjua pas minutës së 60-të. Fillimisht, Eric Dier goditi me kokë pas një këndi nga Olise dhe shënoi pranë shtyllës së parë.
Vetëm 46 sekonda më pas, Olise shënoi vetë me një goditje fluturimthi, pas një asisti nga Serge Gnabry, i cili përfitoi nga një humbje topi e menjëhershme e Leipzigut.
Kur gjithçka dukej se po përfundonte me një përmbysje të madhe, Joshua Kimmich asistoi për Leroy Sané, i cili realizoi me një gjuajtje të bukur në këndin e largët.
Por, festa u ndërpre në sekondat e fundit kur Xavi shërbeu për Yussuf Poulsen, i cili me qetësi e kaloi topin mbi Urbig dhe i mohoi Bayernit fitoren e titullit në këtë javë.
Harry Kane do të duhet të presë edhe pak për trofeun e parë madhor në karrierë, por për Bayernin, çdo pikë tjetër do të mjaftojë për të siguruar titullin e 12-të në 13 sezonet e fundit.
Nëse Leverkusen nuk fiton të dielën, Bayerni do të shpallet zyrtarisht kampion. Leipzig ndërkohë do ta ndjekë me interes atë ndeshje, pasi SC Freiburg mbetet rivali kryesor për një vend në Ligën e Kampionëve.
Policia në Shipol të Mitrovicës, ka arrestuar dy të dyshuarit që ia vunë zjarrin diskotekës “Gate” më 14 shkurt të këtij viti në Prishtinë. Sipas njoftimit të policisë, personat e arrestuar janë F.S., 36-vjeç shtetas i Kosovës, dhe M.M., 28 vjeç poashtu shtetas i Kosovës, raporton KlanKosova, transmeton KFVA Të dy dyshohet të
Një person ka vdekur dhe katër të tjerë janë lënduar në një aksident mes dy veturash në fshatin Nabërgjan të Pejës. Lajmin ka konfirmuar zëdhënësi i Policisë në Pejë, Fadil Gashi. Ai tha se në vendin e ngjarjes kanë dalë njësitet kompetente.
Ka përfunduar seanca dëgjimore në degën e Gjykatës Themelore të Prishtinës, në Lipjan, ndaj policëve të dyshuar për rastin e 27-vjeçarit, Agon Zejnullahu. Gjyqtari i procedurës paraprake pritet të vendosë për kërkesën e Prokurorit të Shtetit, nëse do t’i çojë në paraburgim zyrtarët policorë, apo do të caktojë një masë alternative. Në seancë,
Analisti Burim Ramadani i ka bërë thirrje Vetëvendosjes që ta ndërron kandidatin për kryeparlamentar në mënyrë që të kalohet ngërçi, shkruan KFVA. “Kur e udhëheq shtetin 5 (pesë) vjet, përfshirë sektorin e sigurisë, të paktën një gjë elementare e ke të qartë: • sa i rëndësishëm për Sigurinë Kombëtare është Stabiliteti Institucional!”, shkroi
