Categories: Kosovë, Lajme

by kfvanews

Share

Categories: Kosovë, Lajme

by kfvanews

Share

Deputeti i Vetëvendosjes, Hekuran Murati ka shkruar në orët e vona për seancën e nesërme ku pritet të votohet për herën e 10-të konstituimi i Kuvendit, shkruan KFVA.

Murati përmes një postimi në llogarinë e tij në Facebook, ka paralajmëruar se nesër do të tentohet përsëri të votohet në mënyrë të fshehtë, ani pse kjo mënyrë e votimit është vlerësuar në kundërshtim me rregulloren e Kuvendit.

“Marrë parasysh situatën në të cilën gjendemi, mendoj që mënyra e votimit të fshehtë, e sugjeruar edhe nga Gjykata Kushtetuese, ofron mundësinë ideale për të dalë nga bllokada dhe deputetët e zgjedhur të mund të çojnë në vend pushtetin e deleguar nga qytetarët, duke konstituuar Kuvendin e duke zgjedhur qeverinë e re.
Normalisht që më shumë do të duartrokitej nëse të tri partitë më të mëdha do të bëheshin bashkë për të zbatuar detyrimin Kushtetues dhe të votonin në mënyrë të hapur, si Koalicion Konstituiv, Kryesinë e Kuvendit, por në mungesë të një konsensusi të tillë, çfarëdo mënyre e votimit që zhbllokon procesin është më e mirë salesa të vazhdohet kështu pafundësisht”, shkroi Murati mes tjerash.

Postimi i plotë:

Koalicioni Konstituiv vs. Koalicioni Qeverisës
Pas më pak se 12 orë, do të kemi mbledhjen e radhës në seancën konstituive të Kuvendit, për të zgjedhur Kryetaren dhe Nënkryetarët.
Për dallim prej qeverisë, ku vetëm koalicioni qeverisës i merr të gjitha pozitat në ekzekutiv, në Kuvend pushteti ndahet tek të gjitha partitë.
Pra nuk i merr të gjitha pozitat e kryesisë koalicioni qeverisës që bën 61 vota, por pozitat e kryesisë ndahen tek të gjitha partitë. Në njëfarë forme, hartuesit e Kushtetutës kanë dashur të balancojnë pushtetin legjislativ duke imponuar, nëse mund të quhet kështu, një Koalicion Konstituiv para se të kalohet tek Koalicioni Qeverisës.
Kryetari dhe një Nënkryetar i takojnë partisë më të madhe, një Nënkryetar i takon partisë së dytë, një Nënkryetar i takon partisë së tretë, dhe dy Nënkryetarë u takojnë partive që përfaqësojnë komunitetet jo-shumicë.
Prandaj nuk ka kuptim që edhe më tutje të stërzgjatet diçka që është e përcaktuar në Kushtetutë.
I kemi dëgjuar përfaqësuesit e PDK-së dhe LDK-së teksa thonë që për pozitën e Nënkryetarit e cila u takon atyre me Kushtetutë, s’e shohin të nevojshme të diskutojnë se kë e propozoinë kandidat. Të njëjtën gjë po e themi edhe ne për pozitën që na takon nga po i njëjti Nen i Kushtetutës – Neni 67.
Çfarëdo zvarritje a bllokade e mëtutjeshme e partive tjera duke votuar kundër konstituimit të Kuvendit, tashmë është e tepruar dhe e panevojshme.
Çfarëdo mesazhi që kanë dashur të përçojnë me votën e tyre kundër tash e disa seanca, le ta konsiderojnë të përçuar.
Por nesër, le ta zgjedhim Kryesinë e Kuvendit.
Koalicioni Konstituiv, i përbërë prej të gjithë deputetëve, duhet ta zgjedhë Kryesinë e Kuvendit.
Marrë parasysh situatën në të cilën gjendemi, mendoj që mënyra e votimit të fshehtë, e sugjeruar edhe nga Gjykata Kushtetuese, ofron mundësinë ideale për të dalë nga bllokada dhe deputetët e zgjedhur të mund të çojnë në vend pushtetin e deleguar nga qytetarët, duke konstituuar Kuvendin e duke zgjedhur qeverinë e re.
Normalisht që më shumë do të duartrokitej nëse të tri partitë më të mëdha do të bëheshin bashkë për të zbatuar detyrimin Kushtetues dhe të votonin në mënyrë të hapur, si Koalicion Konstituiv, Kryesinë e Kuvendit, por në mungesë të një konsensusi të tillë, çfarëdo mënyre e votimit që zhbllokon procesin është më e mirë salesa të vazhdohet kështu pafundësisht.
Nesër, le ta zgjedhim Kryesinë e Kuvendit!

Related Posts

  • Parashikimi i motit për nesër

        Të dielën parashikohet të mbajë mot me diell dhe vranësira. Gjatë ditës ka mundësi të ketë ndonjë reshje të izoluar, sidomos në zonat malore, raporton MeteoKosova. Era do të fryjë kryesisht nga perëndimi dhe jugperëndimi, e cila herë pas here pritet të jetë lokalisht e fuqishme, me shpejtësi prej 17-49 km/h. Temperaturat minimale

  • Putin: Më vjen të godas disa njerëz me grusht, por po vetëpërmbahen

        Presidenti i Rusisë, Vladimir Putin, ka shprehur se shpesh përballet me ndjenja të forta zemërimi dhe, ndonëse i vjen të godasë disa persona. Në një intervistë të fundit në televizionin shtetëror rus, kur u pyet nga gazetari ai pranoi se përjeton shpesh zemërim dhe që mund të kishte dëshirë të shprehte dhunë, por ka

  • E dhimbshme: Ndahet nga jeta Martin Hajdari

      Sot është ndarë nga jeta Martin Hajdari, pronari dhe themeluesi i lokalit të njohur “Te Martini” në Prishtinë, raporton Gazeta KFVA. Lajmin për ndarjen e tij nga jeta e kanë bërë të ditur familjarë dhe të afërm përmes rrjeteve sociale. Lokali “Te Martini”, i hapur që nga viti 1995, ka funksionuar për më shumë

  • Barcelona e ka të gatshëm ‘Lamine Yamalin e ardhshëm’ – del në skenë 13-vjeçari nga La Masia/VIDEO

    Barcelona mund të ketë zbuluar yllin e saj të ardhshëm. Një video që po bën xhiron e rrjeteve sociale tregon talentin e jashtëzakonshëm të 13-vjeçarit Adam Qaroual, i cili luan për ekipin Infantil B të akademisë legjendare La Masia, shkruan KFVA.. Në pamjet e publikuara, Qaroual shihet duke dribluar pesë lojtarë kundërshtarë para se të