kfvanews
Kryetari i Vetëvendosjes, Albin Kurti ka ftuar për takim kreun e Lidhjes Demokratike të Kosovës, Lumir Abdixhikun dhe atë të Partisë Demokratike të Kosovës, Memli Kransiqi te enjten në ora 08:30.
Ftesën për takim e ka konfirmuar për Gazetën, zëdhënësi i LDK-së, Besian Mustafa.
Ai ka thënë se çështja e Kryeparlamentarit kërkon shumicën politike, e për këtë LDK-ja veçse ka dhënë qëndrimin e saj.
“Ka ftesë. Kryetari nuk është në Kosovë. Çështja e Kryetarit te Kuvendit, është çështje politike dhe kërkon shumicë politike. Për këtë çështje veçse kemi dhënë qëndrim”, ka thënë Mustafa për Reporteri.net.
I pyetur nëse do të shkojë dikush tjetër nga LDK-ja në këtë takim, Mustafa është përgjigjur shkurt “askush”.
Kjo ftesë për takim vie pak orë para vazhdimit të seancës për konstituimin e Kuvendit të Kosovës që dështoi për të tetën herë.
Në seancën e 29 prillit, VV ka propozuar sërish Albulena Haxhiun për Kryeparlamentare, e cila s’mori votat e mjaftueshme, madje për dallim nga seancat e kaluara që pati marrë 57 vota, kësaj radhe ajo mori veç 54.
Në këtë votim, 44 vota ishin kundër dhe tri abstenime, deri në sallë ishin të pranishëm 110 deputetë.
