Një çerek shekulli më parë, në oborrin e një shtëpie në Beleg të Deçanit, forcat policore, ushtarake dhe paramilitare të regjimit gjenocidal të Serbisë ndanë burrat dhe të miturit nga gratë dhe më pas ekzekutuan e masakruan 46 shqiptarë.

Kështu citohet të ketë thënë Presidentja Vjosa Osmani, në përkujtim të 26 vjetorit të kësaj masakre.

Presidenca thotë se edhe sot, pas kaq vitesh, fati i disa banorëve të zhdukur me dhunë nuk është zbardhur, ndaj plagët mbeten të hapura për familjet dhe për gjithë Kosovën.

“Drejtësia mbetet borxh ndaj tyre dhe ndaj historisë sonë”, tha Presidentja Osmani.