kfvanews
Ministri i Punëve të Brendshme, Xhelal Sveçla, ka theksuar se sulmi terrorist në Banjskë më 24 shtator 2023 ende mbetet një çështje e pazgjidhur, me kryesitë e krimit që janë ende të arratisur, raporton Gazeta KFVA.
Ai ka thënë se vetëm gjatë gjysmës së dytë të vitit 2024, në Kosovë janë regjistruar 11 sulme që përfshijnë përdorimin e pajisjeve shpërthyese, përfshirë sulmet ndaj Stacionit të Policisë në Zveçan dhe ndërtesës së Komunës, si dhe ndaj kanalit të ujit Ibër Lepenc në Zubin Potok, që furnizon Kosovën me 60% të ujit të pijshëm.
“Theksova se sulmi terrorist në Banjskë më 24 shtator 2023 vazhdon të mbetet një çështje e pazgjidhur, me kryesitë e krimit ende të arratisur. Po ashtu, vura në pah se vetëm në gjysmën e fundit të vitit 2024, në Kosovë kanë ndodhur 11 sulme që përfshijnë përdorimin e pajisjeve shpërthyese, përfshirë sulmet ndaj Stacionit të Policisë në Zveçan dhe ndërteses së Komunës, si dhe ndaj kanalit të ujit Ibër Lepenc në Zubin Potok, i cili furnizon Kosovën me 60 përqind të ujit të pijshëm”, ka shkruar Sveçla në Facebook.
Këtë deklaratë, Sveçla e ka bërë në forumin e ministrave të brendshëm në kuadër të procesit të BRDO’s në Slloveni, ku po qëndron me ftesë të homologut të tij Bostjan Poklular.
