by kfvanews
Share
by kfvanews
Share
Presidenti i Shteteve të Bashkuara, Donald Trump ka anuluar lejet e sigurisë për ish-rivalet e tij në zgjedhjet presidenciale, Kamala Harris dhe Hillary Clinton, si dhe një numër tjetër zyrtarësh të lartë.
“BBC” raporton se kjo lëvizje vjen pasi Trump në shkurt tha se ia ka anuluar lejen e sigurisë paraardhësit të tij në pushtet, Joe Biden.
Ai po ashtu ka anuluar këto leje edhe për anëtarët e tjerë të familjes Biden, transmeton Nacionale.
“Kam vendosur që më nuk është në interesin kombëtar që këta persona të kenë qasje në informacione të klasifikuara” – ka thënë Trump.
Zakonisht, ish-presidentëve të ShBA-së dhe zyrtarëve të lartë të sigurisë, u lejohet mbajtja e këtyre lejeve për shkak të respektit.
Ish-sekretari amerikan, Antony Blinken dhe ish-ligjvënësit republikanë, Liz Cheney dhe Adam Kinzinger ishin po ashtu në këto lista, si dhe Fiona Hill, një ish-këshilltare gjatë administratës së parë të Trump.
Emrat e tjerë përfshijnë: Jake Sullivan, Lisa Monaco, Mark Zaid, Norman Eisen, Letitia James, Alvin Bragg, Andreë Weissmann dhe Alexander Vindman.
Trump më herët kishte tërhequr lejet e sigurisë për më shumë se dhjetra ish-zyrtarë të inteligjencës, të cilët ai i akuzoi për ndërhyrje në zgjedhjet e vitit 2020 në favor të Bidenit, pa ofruar prova.
Në vitin 2021, Biden – president në detyrë në atë kohë – e ndaloi rivalin e tij të mposhtur Trump që të kishte akses në informimet e inteligjencës duke përmendur si arsyetim “sjelljen e tij të çrregullt”.
Të enjten parashikohet të mbajë mot me diell dhe shumë i nxehtë. Era do të fryjë drejtimesh të ndryshme, me shpejtësi prej 10-29 km/h. Temperaturat minimale do të sillen prej 10 deri në 16°C, ndërsa ato maksimale prej 31 deri në 34°C.
Udhëheqësja e organizatës për të drejtat e fëmijëve, Save the Children, ka përshkruar në detaje tronditëse agoninë e ngadaltë të fëmijëve të uritur në Gazë, duke thënë se ata janë aq të dobët fizikisht sa nuk munden as të qajnë. Duke iu adresuar mbledhjes së Këshillit të Sigurimit të Kombeve të Bashkuara lidhur
Sulmi i dytë izraelit në spitalin Nasser në Gaza ishte “i paramenduar”, thotë ambasadori palestinez në OKB. “Sulmi i dytë në spitalin Nasser ishte një sulm i paramenduar ndaj mjekëve dhe gazetarëve që mbërritën në vendngjarje pas sulmit të parë”, tha Riyad Mansour në takimin e Këshillit të Sigurimit të OKB-së në Nju
Kryeministri në detyrë i Kosovës, Albin Kurti, ka publikuar një status të gjatë në rrjetet sociale lidhur me krimet e kryera gjatë Luftës së Kosovës, duke theksuar rëndësinë e dokumentimit dhe kujtesës historike. Në statusin e tij, Kurti e përshkruan Luftën e Kosovës si një projekt shkatërrimi dhe plaçkitjeje nga forcat serbe, me
