Të shtunën pritet të përurohet pikëkalimi i përbashkët kufitar “Han i Elezit – Bllacë”.

Në njoftimin e Qeverisë në detyrë thuhet se hapja do të fillojë nga ora 11:00 dhe bëhet në bashkëpunim me Qeverinë e Maqedonisë së Veriut.

“Ky pikëkalim i përbashkët është një nga dy pikat e kalimit të përbashkët kufitar të paraparë sipas Protokollit të Implementimit të Marrëveshjes ndërmjet Qeverisë së Republikës së Kosovës dhe Qeverisë së Republikës së Maqedonisë së Veriut për Pikat e Përbashkëta të Kalimit Kufitar Han i Elezit – Bllacë dhe Glloboqicë – Jazhincë, e nënshkruar në nëntor 2024 në mbledhjen e përbashkët të dy qeverive”, thuhet në njoftimin e Qeverisë.