by kfvanews
Share
by kfvanews
Share
Afër 3 mijë euro ka shpenzuar Ministrja e Punëve të Jashtme, Donika Gërvalla, për vizitën që kishte zhvilluar në janar të këtij viti në Shtetet e Bashkuara të Amerikës, e të cilën e kishte mbajtur të fshehtë. Gazeta Online Reporteri.net ka siguruar të dhënat mbi shpenzimet e Gërvallës në këtë vizitë, përmes kërkesës për qasje në dokumente publike. MPJD ka ofruar të dhëna të pjesshme për këtë vizitë, vetëm pas ankesës në Agjencinë për Informim dhe Privatësi.
Një ditë para ceremonisë së inaugurimit së Presidentit të ShBA’së, Donald Trump, Kryediplomatja Donika Gërvalla kishte udhëtuar për në Shtetet e Bashkuara të Amerikës. Vizita e saj ishte mbajtur e fshehur, e ishte zbuluar vetëm pasi ajo ishte parë në Aeroportin e Stambollit. Konfirmimi se ajo kishte qëndruar në ShBA ishte bërë nga MPJD tek pas kthimit të saj në Kosovë.
Mediat raportuan se kryediplomatja s’ka zhvilluar asnjë takim në këtë vizitë dhe se ka ndenjur e mbyllur në hotel për dy ditë rresht. Për shpenzimet e kësaj vizite, ka pasur disa raportime, por të pakonfirmuara.
Gazeta ka siguruar të dhënat mbi shpenzimet e Gërvallës në këtë vizitë, përmes kërkesës për qasje në dokumente publike. Këto dokumente i janë ofruar mediumit vetëm pas ankesës në Agjencinë për Informim dhe Privatësi.
Nga të dhënat e ofruara nga MPJD, del se Gërvalla ka shpenzuar 2 mijë e 840 euro për këtë vizitë.
2 mijë euro i ka kushtuar vetëm bileta, teksa për akomodim nga 19 deri më 20 janar, Gërvalla ka paguar 469 euro e 13 centë.
Si mëditje për këtë udhëtim, ajo ka marrë 345 euro, ndërkohë 25 euro tjera janë shpenzime të taksit. Shpenzimet e ushqimit nuk janë të ndara.
A zhvilloi ndonjë takim Gërvalla?
Nga Ministria e Punëve të Jashtme dhe Diasporës s’kanë pranuar të japin detaje rreth takimeve të Ministres. Vizita thonë se ka qenë e planifikuar dhe se shkaku i natyrës së takimeve të zhvilluara, informacionet janë konfidenciale dhe të klasifikuara.
“Lidhur me kërkesën tuaj për qasje në dokumente publike rreth vizitës së Ministres Gërvalla në Shtetet e Bashkuara të Amerikës, ju njoftojmë se kjo vizitë është realizuar në kuadër të planifikimit të vizitave dhe, për shkak të natyrës së takimeve të zhvilluara, konform legjislacionit në fuqi, informacionet janë konfidenciale dhe të klasifikuara, andaj nuk mund të japim detaje”, thuhet në përgjigjen e MPJD’së
Ambasadori gjerman, Jorn Rohde ka folur për takimin e djeshëm që zhvilloi me Kryeministrin e Kosovës në detyrë, Albin Kurtin, të cilit ia ka theksuar përpjekjet e vazhdueshme të Gjermanisë për heqjen e masave kundër Kosovës. Në rrjetin social “Bluesky”, ambasadori gjerman i ka përmendur Kurtit edhe rëndësinë e formimit sa më të
Policia e Kosovës ka kërkuar ndihmë për gjetjen e një të dyshuari për vjedhje. “Sektori i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi. Personi i dyshuar kërkohet për përfshirje në veprën
Ministrja e Ekonomisë, Artane Rizvanolli, ka njoftuar për takimin konsultues që ka zhvilluar këtë javë me Kryetarin e Bordit të Zyrës së Rregullatorit të Energjisë, Ymer Fejzullahun, me të cilin ka diskutuar për procesin e shqyrtimit të tarifave të rrymës për këtë vit. Postimi vjen një ditë para se ZRRE të vendosë për
Kryetari i Lidhjes Demokratike të Kosovës, Lumir Abdixhiku, ka mbledhur deputetët e zgjedhur të kësaj partie për legjislaturën e re të Kuvendit. Në fotot e publikuara nga Abdixhiku, nuk shihet deputeti i zgjedhur, Avdullah Hoti, i cili ka ngritur shqetësim për votat me postë të mërgatës e kërkoi lidership të ri në LDK,
