Lëvizja Vetëvendosje e Albin Kurtit në zgjedhjet e 28 Dhjetorit do të garoj si koalicion.
Përveç me partitë partnere deri tani, Guxo dhe Alternativa, VV e Kurtit do të garojë bashkë edhe me Partia Shqiptare Demokristiane e Kosovës (PSHDK), e drejtuar nga Zef Morina, parti kjo e cila në zgjedhjet e fundit kishte garuar me LDK-në.
Për dallim nga Vetëvendosje, dy partitë tjera të mëdha, Partia Demokratike e Kosovës dhe Lidhja Demokratike e Kosovës janë regjistruar si parti politike në zgjedhje, shkruan Reporteri.net.
Por, PDK e LDK në listat e tyre zgjedhore pritet të kenë përfaqësues të subjekteve të tjera.
Në listën e PDK-së deri tani është e konfirmuar se do të garojë Eman Rrahmani, ndërsa në listët e LDK-së raportohet se do të jetë pjesë Fatmir Limaj dhe disa zyrtarë të tjerë të Nisma-s.
Edhe Aleanca për Ardhmërinë e Kosovës është regjistruar e vetme për zgjedhjet e 28 dhjetorit.
Koalicionet:
1. Koalicioni “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB)”;
2. Koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV); dhe
3. Koalicioni “Lëvizja VETËVENDOSJE!”, i përbërë nga 4 partitë politike: Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK).
Partitë politike:
4. LIDHJA DEMOKRATIKE E KOSOVËS – LDK;
5. PARTIA DEMOKRATIKE E KOSOVËS – PDK:
6. Kosovaki Nevi Romani Partia;
7. JEDINSTVENA GORANSKA PARTIJA;
8. Za Slobodu Pravdu i Opstanak;
9. KOSOVA DEMOKRATIK TÜRK PARTISI;
10. PARTIA LIBERALE EGJIPTIANE;
11. PARTIA ROME E BASHKUAR E KOSOVËS;
12. SOCIALDEMOKRATSKA UNIJA – SDU;
13. SRPSKA LISTA;
14. INICIATIVA E RE DEMOKRATIKE E KOSOVËS;
15. FJALA;
16. NOVA DEMOKRATSKA STRANKA – NDS;
17. LËVIZJA PËRPARIMTARE E ROMËVE TË KOSOVËS (LPRK).
Subjeketet politike (partitë politike, koalicionet, nismat qytetareve dhe kandidatët e pavarur) që aplikojnë për certifikim për pjesëmarrje në zgjedhje, kanë afat që deri më 7 dhjetor të dorëzojnë listën e tyre me emrat e kandidatëve për deputetë.