Njësitet policore kanë intervenuar pas një rasti të dyshuar të vrasjes në tentativë Fushë Kosovë, ku një grua ka pësuar lëndime nga thika dhe është dërguar në QKUK në gjendje kritike.
Policia ka arrestuar të fejuarin e saj, me të cilin viktima bashkëjetonte, ndërsa në vendngjarje është sekuestruar një thikë e dyshuar si mjet i përdorur.
Me vendim të prokurorit, i dyshuari është dërguar në mbajtje pas intervistimit.
Njoftimi:
VRASJE E RËNDË NË TENTATIVË
Fushë Kosovë / 29.11.2025-07:45. Njësitet policore pas pranimit të informatës lidhur me rastin, kanë dalë në vendin e ngjarjes dhe kanë takuar viktimën f/k, e cila dyshohet se kishte pësuar lëndime me mjete të mprehta. Viktima pas tretmanit fillestar mjekësor në QKMF, është dërguar në QKUK dhe i është nënshtruar operimit për shkak të gjendjes kritike të saj. Lidhur me rastin është arrestuar i dyshuari m/k-i fejuari i saj me të cilin ishte duke bashkëjetuar, nën dyshimin se i njëjti është i përfshirë në rast. Njësitet policore në vendin e ngjarjes kanë gjetur dhe konfiskuar një mjet të mprehtë-thikë, e cila dyshohet se është përdorur në rast. Me vendim të prokurorit i dyshuari pas intervistimit është dërguar në mbajtje.