Një aksident i rëndë ka ndodhur këtë të martë në autostradën “Ibrahim Rugova”, në segmentin Prizren-Suharekë.
Një person ka mbetu i vdekur dhe i lënduar nga ky aksident ka mbetur ish-deputeti i Partisë Demokratike të Kosovës, Nezir Çoçaj.
Lajmin për gazetën online Reporteri.net e ka konfirmuar zëdhënësi i Policisë, Bajram Krasniqi.
“Rreth orës 11:40, policia është njoftuar për një aksident trafiku të ndodhur në autostradë drejtimi Prizren-Suharekë kilometri i 32-të. Në aksident është përfshirë një veturë dhe dyshohet se një person është pa shenja jete dhe një tjetër ka pësuar lëndime”, tha Krasniqi.