Sipas rezultateve të para të Exit Poll-it në komunën e Drenasit, kandidati i PDK RLL, Ramiz Lladrovci, po dominon fuqishëm garën zgjedhore. Burime nga disa prej qendrave më të mëdha të votimit tregojnë se Lladrovci deri në këto momente është më i votuari në Drenas, duke lënë pas rivalët me një diferencë të ndjeshme.

Atmosfera në shtabin e tij elektoral përshkruhet si e zjarrtë dhe entuziaste, ndërsa mbështetësit thonë se “Drenasi po e konfirmon edhe një herë besimin për Ramizin”.

Rezultatet zyrtare pritet të publikohen më vonë nga Komisioni Qendror i Zgjedhjeve, por për momentin, të gjitha shenjat tregojnë se Lladrovci është favorit absolut në Drenas.