Gazetari dhe ligjëruesi Labinot Azemi, së bashku me psikologun Orhan Nazifi, kanë mbajtur sot një ligjëratë në Medresenë “Alauddin” në Prishtinë, duke e vlerësuar këtë përvojë si një përjetim të paharrueshëm.
Azemi tha se kjo vatër e dijes dhe e besimit nuk është vetëm një shkollë, por themel i karakterit, i besimit në Zotin dhe i vlerave që formojnë breza të tërë.
Ai shprehu mirënjohje të veçantë për drejtorin e medresesë, Fadil ef. Hasani, për vizionin dhe përkushtimin e tij, si dhe për profesorët dhe stafin, të cilët punojnë çdo ditë për të edukuar nxënësit në dije, moral dhe dashuri për Zotin.
“Medreseja ‘Alauddin’ mbetet një shtyllë e fuqishme e shoqërisë sonë, një shkollë që lidh dijen me besimin dhe që ndërton njerëz të ndershëm, me shpirt të pastër dhe zemër të ndritshme”, u shpreh Azemi.
Ai shtoi se mesazhi i ligjëratës ishte i qartë: kur edukimi dhe feja ecin bashkë, shoqëria bëhet më e fortë, më e drejtë dhe më humane.
