Bekë Berisha, kandidati për kryetar të Komunës së Prishtinës, po shndërrohet në emrin më të përmendur të ditëve të fundit. Në një kohë kur gara politike po nxehet, Berisha po arrin një rezultat që pak kush do ta kishte imagjinuar: ai po dominon çdo sondazh, çdo votim dhe çdo poll në rrjetet sociale e gazetat më të mëdha të vendit.

Çdo link i hapur, çdo anketë e publikuar, çdo pyetje “Kë do për kryetar?”, kthehet në të njëjtën përgjigje: Beke Berisha del fitues absolut. Përmbysjet e rezultateve në favor të tij po ndodhin me një shpejtësi që ka befasuar jo vetëm kundërshtarët politikë, por edhe analistët e opinionit publik.

Ky fenomen nuk është rastësi. Ai është pasqyra e një mobilizimi qytetar që nuk po ndalet, e një fryme të re që kërkon ndryshim dhe e një kandidati që arrin të ngjallë besim tek njerëzit. Prishtina po tregon se nuk i nënshtrohet kalkulimeve politike të zakonshme, por voton me zemër dhe bindje.

Nëse sondazhet e rrjeteve sociale janë treguesi i parë i opinionit publik, atëherë Bekë Berisha tashmë ka hyrë në garë si favoriti i padiskutueshëm i kryeqytetit. Ai nuk po përmbyt vetëm sondazhet, por edhe pritshmëritë e atyre që menduan se gara do të ishte e paracaktuar.

Prishtina ka filluar të flasë, dhe zëri i saj thotë qartë: Beke Berisha është kandidati që po merr zemrën e qytetarëve.