Zëvendëkryeministri në detyrë, Besnik Bislimi ka njoftuar për një përkrahje nga BE prej 6.87 milionë eurove, menjëherë pasi u publikua letra që nga BE nuk do t’i shkojnë më Kurtit në zyre, shkruan KFVA.
Postimi i plotë:
Tjetër përkrahje e Bashkimit Evropian, 6.87 milionë euro për Kosovën.
Përmbyllet mbështetja në kuadër kontratës së reformave sektoriale të programit IPA 2016 për Reformën e Administratës Publike, me dy disbursimet e fundit në vlerë prej 6.87 milionë euro. Në total, nga kjo kontratë Kosova ka përfituar 22 milionë euro.
Ndërkohë javën e kaluar Bashkimi Evropian disbursoi edhe mbështetjen financiare shtesë prej 7.5 milionë euro në kuadër të Pakos së Mbështetjes Energjetike (IPA 2023).