Një helikopter është rrëzuar këtë të hënë në Mbretërinë e Bashkuar, ku si pasojë ka mbetur i plagosur një person.
Agjencia e lajmeve “Reuters” raporton se incidenti ndodhi në një fushë pranë qytetit turistik bregdetar Ventnor, në Ishullin e Wight.
Pas këtij incidenti, një person u transportua me urgjencë drejt një qendre të specializuar traumash. Një zëdhënës i shërbimit të ambulancës ajrore tha se pacienti fillimisht mori ndihmën e shpejtë nga shërbimet e emergjencës dhe më pas u transportua me helikopter drejt spitalit.
Nuk është ende e qartë se sa persona ndodheshin në bord apo nëse ka të plagosur të tjerë.