Dy persona janë shoqëruar në stacion policor pasi të njëjtit sot kanë penguar punimet në rrugën “A”.
Lajmin e ka konfirmuar për Gazetën Online Reporteri, zëdhënësi për Prishtinë, Enis Pllana.
Ai tha se ndaj tyre është shqiptuar gjobë për “Prishje të rendit dhe qetësisë publike”.
“Sot rreth orës 08:00, dy persona janë shoqëruar për në stacion policor, pasi që të njëjtit kanë penguar punimet që kanë qenë duke u bërë në rrugën “A”. Në koordinim me prokurorin, të njëjtit janë intervistuar dhe u janë shqiptuar gjoba për “Prishje të rendit dhe qetësisë publike”, tha Pllani.