Sot në Qendrën e Numërimit dhe Rezultateve (QNR) ka filluar procesi i shkatërrimit të materialit zgjedhor nga Zgjedhjet për Kuvendin e Republikës së Kosovës, të mbajtura më 9 shkurt 2025.
Përmes një njoftimi për media, ky institucion tha se ky proces do të zhvillohet në Qendrën e Numërimit dhe Rezultateve (QNR).
“Ju njoftoj se sot (e mërkurë, 6 gusht 2025, ora 10:00) në Qendrën e Numërimit dhe Rezultateve do të fillojë shkatërrimi i materialit zgjedhor të Zgjedhjeve për Kuvendin e Republikës së Kosovës, të cilat janë mbajtur më 9 shkurt 2025”, u tha në njoftimin e KQZ-së./KFVA/