Ministria e Financave, Punës dhe Transfereve njofton se sot janë ekzekutuar pagat me rritje prej +55 euro për 84,230 shërbyes publikë nëpër organizatat buxhetore.
Në njoftim është bërë e ditur se kjo është faza e dytë e rritjes vjetore prej 110 euro.
“E ndarë në dy pjesë: +55 euro nga janari 2025, +55€ nga korriku 2025”, thuhet në postim.
Tutje thuhet se Ministria e Financave, Punës dhe Transfereve thotë se mbetet e përkushtuar në zbatimin e politikave që kanë për qëllim mirëqenien e qytetarëve.