Kreu i Administratës Federale të Aviacionit të SHBA-së (FAA) tha sot se rrëzimi i fundit i një Boeing 787 të Air India në Indi nuk duket të jetë shkaktuar nga një defekt mekanik apo një ndryshim i paqëllimshëm në sistemin e kontrollit të karburantit.
“Mund të themi me shumë besim se ky nuk duket të jetë një problem mekanik në sistemin e kontrollit të karburantit të Boeing”, u tha Brian Bedford gazetarëve në margjinat e një shfaqjeje ajrore, duke shtuar se ekspertët e FAA-s e kanë shqyrtuar plotësisht këtë mundësi.
Tragjedia ajrore ndodhi më 12 qershor kur një Boeing 787 i Air India u rrëzua disa sekonda pasi u ngrit nga Ahmedabad në Indinë veriperëndimore me destinacion Londrën, duke vrarë 241 persona në bord dhe 19 të tjerë në tokë./KFVA./