Edhe pse ka filluar fluksi i mërgimtarëve që po vijnë për pushime në Kosovë, pikat kufitare po vazhdojnë të jenë të qeta.

Sipas të dhënave të fundit të publikuara nga Qendra Kombëtare për Menaxhim të Kufirit, pritjet më të gjata janë regjistruar te pika kufitare “Dheu i Bardhë”.

Për të hyrë në Kosovë pritjet në këtë pikë janë nga 30 deri në 35 minuta.

Në të gjitha pikat e tjera kufitare, qarkullimi po zhvillohet pa vonesa me të gjata se 5 deri 10 minuta.