Presidenca ka njoftuar se presidentja e Kosovës, Vjosa Osmani, do të mbajë sot një takim konsultativ me përfaqësuesit e partive politike lidhur me caktimin e datës së mbajtjes së zgjedhjeve lokale.

Takimi është caktuar të zhvillohet nga ora 14:00, në objektin e Kuvendit të Kosovës, konkretisht në sallën C301, shkruan KFVA

Sipas njoftimit nga Presidenca, pas përfundimit të takimit do të lëshohet një komunikatë për media me detaje të mëtejshme mbi diskutimet dhe vendimet eventuale.